दुर्गा स्तुतिः - ! माता दुर्गापरमेश्र्वरीसन्निधि: !

 

! भारतीरमणमुख्यप्राणान्तर्गत श्री कृष्णॊ विजयते !

! माता दुर्गापरमेश्र्वरीसन्निधि: !

दुर्गा स्तुतिः

हे दुर्गे दुष्टसंहारे सौभाग्यम् कुरु सर्वदा ।

कृष्णाग्रजे महामाये मम शत्रु क्षयं कुरु ॥ 1 ॥

शतसहस्रस्वर्णाश्वरत्नांकितरथस्थिते ।

कृष्णाग्रजे महादुर्गे सौभाग्यम् कुरु सर्वदा ॥ 2 ॥

शाटिकावज्रसंयुक्तं तव वस्त्रं पवित्रकम् ।

सुवर्णतन्तुसमायातं स्व्वर्णपुश्पभिलग्ङ्कृतम् ॥ 3 ॥

ग्रस्तसुवर्णरज्जुभिरश्वसिंहासनस्थिता ।

उग्रसिंहेनग्रस्तास्ते सुवर्णाश्वा: रथे स्थिता: ॥ 4 ॥

वेणीतन्तुसरूपेण केशॊद्घाटितसुंदरी ।

तवकेशाग्रस्प्रर्शाद्धि सुगतिप्राप्तमारुत: ॥ 5 ॥

शाटिका तव सा भारा मारुतेन प्रणमिता ।

रथावरॊहणॊद्युक्ता पाददर्शकृपाकृता ॥ 6 ॥

तवपादयुगलं देवी त्रिलोकाभासकारकम् ।

पवित्रचिन्हरेखायैर्भूषितं च सुमंङ्गलम् ॥ 7 ॥

शिरसि स्थापय तत्पादं ममजन्मवरं कुरु ।

दुर्गे दुर्गुणसंहारे सौभाग्यम् कुरु सर्वदा ॥ 8 ॥

षड्वर्गजलसंवृत्तं द्वीपप्रायतु जीवितम् ।

दुर्गुणाख्यास्तरङ्गास्तु कुर्वन्त्याक्रमणं सदा ॥ 9 ॥

विषवर्तुलसंसारे ग्रस्ताहं परितापिता ।

रक्ष रक्ष महामाये सुंदरी कृष्णसॊदरी ॥ 10 ॥

परिहारं न जानामि अहमज्ञा जपक्रमे ।

रक्ष रक्ष महामाये मम धीं शोधितम् कुरु ॥ 11 ॥

शारदाया: वाणी त्वं वाग्रूपा उग्ररूपिणी ।

पातिव्रत्यं तु सत्या त्वं प्रेमाख्या व्रजमण्डलॆ ॥ 12 ॥

श्रियांशवरसम्भूते गायत्र्याश्शक्तिरूपिणी ।

मम हृदि समावेत्य पावनं कुरु जीवितं ॥ 13 ॥

दुर्गापवर्गे कारुण्ये कुबुद्धेर्मार्जनं कुरु ।

मम ह्रुदि समावेत्य त्राहि मां भवसागरात् ॥ 14 ॥

तवाप्रतिमसौन्दर्यं अल्पा किं वर्णयाम्यहम् ?

कुरूपां मां रक्षदेवी मार्ताण्डशतभास्वरा ॥ 15 ॥

वज्रकाये वज्रकान्ते वज्राभा वज्रपादुके ।

हे दुर्गे दुष्टसंहारे मम शत्रु क्षयं कुरु ॥ 16 ॥

ममाघश्रुग्ङ्गश्रीणीं त्वं वज्रशूलेन खंडय ।

पापकूपे पुनर्वृत्तिं जन्मजन्मनि वारय ॥ 17 ॥

सत्त्वाख्यज्ञानवर्णेन प्रक्षालय रजॊगुणम् ।

शैलरूपं तमॊवृत्तिं शूलात्खण्डय शूलिनी ॥ 18 ॥

मम संस्कारशौचत्वं वररूपेण देहिमे ।

सर्वमायां भेदय त्वं कृपाकुर्वभयङ्करी॥ 19 ॥

कृष्णभक्तिं जन्मेस्मिन् संपूर्णं शाश्वतं कुरु ।

दुर्गापवर्गे हे देवी रक्ष रक्ष मनॊहरी ॥ 20 ॥

य इदं शृणुयान्नित्यं कीर्तनं वा करॊति तव ।

कृष्णभक्तिं देहि तस्मै हे देवी भक्तवत्सले ॥ 21 ॥

प्रीता भव जगन्माता अल्पया कृतप्रार्थनात् ।

श्री कृष्णप्रापकं स्तॊत्रं कृत्वेत्यनुग्रहं कुरु ॥ 22 ॥

ज्यॊतिष्मती कृतं स्तॊत्रं य: पठेत्तव सन्निधौ ।

तं त्राहि महामाये देहि न: कृष्णसन्निधिम् ॥ 23 ॥